醫學美容風險你知幾多?

醫學美容相信姊姊們一定聽過. 近年激光/注射式美容更加係受女性之間不可缺少新話題，好多人都會貪佢唔洗開刀做手術都有差唔多o既效果，但係你有冇諗過如果唔小心選擇的話會好容易出事呢?



上個禮拜睇報紙話消委會公報o左今年頭4個月接獲48宗醫學美容投訴，其中光學美容的數字更加超過一半，注射式美容如保妥適(Botox)、羊胎素、肉毒桿菌、美白針等的個案都有明顯增加喎。



有英國倫敦大學內外全科醫學士資格同埋英國卡地夫大學實用皮膚科專業文憑，o係香港有多年執業經驗o既靚仔醫生許智政話近年唔少美容院開始提供激光/注射式美容，由於注射美容針不用開刀，好多美容院唔問清楚就亂幫客人做療程，結果出現後遺症，如留下疤痕或效果未如理想。許醫生仲建議政府應盡快設立監管部門，規管使用醫療儀器人士同埋提供療程o既內容，以加強對消費者的保障和信心。

許智政醫生


而香港鐳射醫學會會長兼眼科專科醫生陳偉民更指出而家買激光、彩光儀器係非常容易又唔洗申報，一般冇受過訓練o既人都可以購買及操作儀器，如果女士們幫襯一o的冇合資格醫生o既美容院，意外風險係非常大同時又冇保障。根據保妥適(Botox) o既官方網頁http://bit.ly/botox_safety指出，注射保妥適係必須經醫生處方才能購買同使用。



陳偉民醫生


許醫生建議我哋應揾一d具相關經驗既醫生進行醫學美容，「雖然肉毒桿菌在美容上已被應用了十多年，經過廣泛使用，沒有發生注射肉毒桿菌而產生永久副作用的案例出現，基本上是安全的，但由於注射過程始終涉及風險，在注射前向醫生詳細查詢，並必須由一個富經驗的醫護人員主理，才算穩妥。」


正所謂一失足成千古恨，各位姊姊貪靚之餘記得要注意安全，咪貪平而揀o的冇專業資格o既美容院呀，唔係意外發生就可能o係塊面度留下不能磨滅o既痕跡喇。